Auteur : Anselme Dachy  Paroles : Detourneur D. Le Chanteur: Jean Paul Saussez

 Je m'souviens dé m'jonnesse
 Que quand j'étois gamin
 Avec branmée d'tendresse
 Et m'pétit air calin
 Au son d'enne vieille romance,
 Je m'faisois édormi.
 Pa m'man plein d'espérance
 Sur un air favori.
 Euss' n'air là j'mé rappelle
 Et j'pèse co que je l'sais
 Euss t'enne canchon fort belle
 Dessus l'porte de Tournai :

     Refrain :

 J'sue de l'porte de Tournai
 L'pus biau faubourg de l'ville.
 Les garchons comme les filles
 Sont toudis les pus gais
 Et chau que tout l'monde sait
 C'eut qu'on rit é qu'on s'amuse
 Sans jamais qu'on n'sabuse
 Au faubourg de Tournai.


 Quand j'd'allois à l'école
 Au bout de l'rue aux Fleurs
 J'avois, et ça m'console
 In yard pou mes douceurs
 J'acatois enne bablute
 Qu'aussitôt j'erléquois
 Qu'équ'fois un parachute
 J'd'avois tout plein mes doigts
 Quand j'trainois apreu l'classe
 Sans rétreu à m'maison
 J'attrapois enne rapasse
 Mais j'répétois m'canchon:

     Refrain

 Et quand c'eut no ducasse
 I faut vir qué l'entrain
 Nulle part on n'se tracasse
 Même dée les pus p'tits coins
 Quand j'ai couneu l'ivresse
 D'in premier rendeuz-vous
 Euss't'avec enne déesse
 Et j'é sue dev'nu fou.
 Apreu no première baisse
 Dée l'rue du Paradis
 Elle étoit mal bénaisse
 Quand tout bas j'li ai dit:

     Refrain

 On admire s'musique
 L'ardeur des musiciens
 Es'biau cercle dramatique
 Et ses bons comédiens
 El'Faubourg de l'entente
 C'eut bien l'Porte de Tournai
 Toudis on rit on cante
 Sans arrêteu d'ête gai
 Puiqu'aujord'hui c'eut fiète
 Vif'la joie et l'plaisi
 Tertoutes, et à tue-tiête
 Canteuz donc avec mi:

     Refrain